Sunnudagurinn langi
já þetta er sko í alvörunni sunnudagurinn langi því það eru 25 klukkutímar í honum!! þannig var að í nótt klukkan 3 varð klukkan aftur 2!! skil nú ekki hvers vegna þetta gerist akkúrat á þessum tíma en ekki bara um miðnættið -jú kannski er erfiðara að fá allt í einu gærdaginn aftur!! veit ekki þarf að hugsa um þetta í næði!! Kannski er ég mjög fáfróð veit ekki en ég hafði ekki hugmynd um að það væri skipt um tíma hér (úr sumartíma í vetrartíma) á sama degi og fyrsti vetrardagur er heima! og kannski er þetta ekkert alltaf svona kannski hitti bara svona á núna veit ekki þarf að hugsa um þetta líka! ef e-r getur hjálpað mér og sagt mér svarið þá er það vel þegið því ég nenni ekki að hugsa svona mikið ein og sjálf og hjálparlaust. ég þarf nefninlega að nota heilann svo mikið í allt annað þessa dagana. ég þarf að hugsa hvað ég á að fá mér að borða og hvenær, hvort ég þurfi að fara í búðina og hvort ég eigi hrein föt til að fara í, hvenær ég eigi að vaska upp og hvort hugsanlega sé kominn tími til að fara að skúra og þrífa klósettið!! það er endalaust sem þarf að hugsa um núna þegar ég er ekki lengur á hótel systu!! já ég er aldeilis búin að gera mér grein fyrir því hvað hún var dugleg og er!! Takk fyrir mig systa!!
ég gerði nú lítið í gær fór ekki framúr fyrr en um hádegið því ég var svo niðursokkin í Tinna í Tíbet!! já ég er farin að lesa teiknimyndasögur á frönsku! það gengur bara svona líka vel ég skil sko alveg frönsku! eftir þessa lesningu fór ég á eitt frábært kaffihús sem er fullt af bókum eins og bókasafn bara og þar sat ég og skrifaði uppdrátt að öðrum kafla ferðasögunnar (á pappír ekki í tölvuna) og las svo um isótópa mjög merkileg lesning- já hafið þið ekki öll gaman af því að vita hvað ég er að gera í skólanum ha? svo ætlaði ég nú að koma mér heim en labbaði fram hjá bíóhúsinu á akkúrat réttum tíma þannig að ég bara datt inn og horfði á myndina Mystic river sem clint eastwood leikstýrði og fullt af leikurum léku í. hún var bara fín fannst mér svona morð og löggumynd kannski ekki skemmtilegasta efnið en hva mér finnst svona löggumyndir skemmtilegar. og svo var ég bara heima um kvöldið því það eru allir farnir úr bænum, farnir heim til sín eða til vina sinna eða bara e-ð. ég held að við séum þrjár hér og við erum allar útlendingar!!
í dag er ég svo búin að vera ótrúlega dugleg og gera heilan helling (enda ekki annað hægt þegar dagurinn er svona langur) ég er búin að læra og elda mér mat og fara í göngutúr og skrifa hér! ætla svo bara að halda áfram að læra því ég ætla að fara í heimsókn til kennaranna í vikunni og skjóta á þá fullt af spurningum og best að vera búin að undirbúa það vel og vandlega!!
Hvernig er það verð ég nú einum klukkutíma eldri en þið sem eruð heima og misstuð af þessum langa degi? já ég verð líklega einum klukkutíma eldri en þið þegar ég kem heim um jólin en svo yngist ég aftur þegar sumartíminn kemur aftur og þá verðum við aftur jöfn þegar ég kem heim í sumar!!!
  ¶ 3:54 e.h.