jæja kæru vinir þá er þjáningum mínum lokið loksins. ég er bara búin í öllum kúrsum þessa árs og jafnvel hef ég lokið síðustu prófum sem ég mun taka á ævinni, eiginlega rosalega stór áfangi í lífi mínu eða hvað? Gærdagurinn var samt hreinasta hörmung. þar sem ég nenni bara ómögulega að vinna í fyrirlestrinum á föstudaginn eftir síðasta prófið þá endaði þannig að ég fór á fætur kl. 5 í gærmorgun til að vita hvað ég ætlaði að tala um. svo mætti ég á réttum tíma í skólann eða klukkan átta. þar var nánast enginn og við byrjuðum ekki fyrr en um hálf níu ótrúlegir þessir frakkar aldrei á réttum tíma, úff eins og mér finnst ÓÞOLANDI að þurfa að bíða eftir fólki! svo þegar þetta hófst allt saman kom í ljós að ég mátti bíða þar til eftir hádegið með að flytja fyrirlesturinn minn þannig að ég mátti titra af stressi í marga klukkutíma. að vísu nennti ég ekki einu sinni að kvíða fyrir þessu þannig að ég bara hékk í stólnum mínum og reyni að láta líta út fyrir að ég væri að fylgjast með þó ég væri í rauninni steinsofandi inni í mér. held að það hafi ekki tekist en ég sofnaði samt ekkert. svo loksins vorum við búin um hálf fjögur og þá fór ég í smá göngu með kathy og keypti mér á endanum jakka eða kápu eða e-ð svoleiðis! langaði upphaflega í eldrauða en þegar ég ætlaði að kaupa hana þá var hún ekki lengur til í mínu númer, kannski eins gott því hún var brjálæðislega dýr. svo kom að litlu jólnunum hjá okkur og þar mættu allir með e-ð að borða helst svona upprunalegt frá sínu svæði, ég var svo heppin að eiga smá harðfiskbita sem ég gat gefið þeim að smakka. þetta var bara hið fínasta kvöld og frekar sorglegt að kveðja suma krakkana því ég fer á mánudag og þau verða ekki hér eftir áramótin, gera verkefnið annars staða, það verður líklega frekar tómlegt hjá okkur eftir áramótin:( jæja ég kom mér í bælið í gærkvöldi um 4.30 og var því búin að vera vakandi í næstum því heilan sólarhring, það lá við að ég reyndi að halda mér vakandi bara til að geta sagst hafa verið vakandi í heilan sólarhring!! ég hafði nú samt að tala sjálfa mig ofanaf þeirri vitleysu og svaf bara mjög vel til klukkan 10 en þá hófst ég handa við að ganga frá hér í svínastíunni minni og rölti um markaðinn bæði þennan venjulega sunnudagmarkað og svo jólamarkaðinn. já ég er búin að kaupa það sem ég mun kaupa hér fyrir jólin og nú á ég bara eftir að pakka, finna út hvernig ég kemst í flugvöllinn í fyrramálið og finna stað fyrir Grétu á meðan ég er heima! að vísu má svosem segja að ég sé byrjuð að pakka því ég er búin að hefta alla ferðatöskuna mína!! hún er orðin svo illa farin að það eru bara saumsprettur um allt og þar sem ég hvorki á nál né tvinna og hef svo enga saumahæfileika þá bara nota ég heftarann. ég hef líka notað bréfaklemmur til að "falda" gardínur! eða var það e-ð annað?? man það ekki en allavega er mjög erfitt að nota nál finnst mér, get varla þrætt hana og ef það tekst þá er ég orðin svo pirruð að þá er bara eins gott að leggja hana frá sér sem fyrst!!!
jæja ætli ég komi ekki nokkrum hlutum í heftuðu ferðatöskuna. hlakka til að sjá ykkur öll hihi kem á morgun til landsins þannig að þið getið farið að gera ráð fyrir hringingu eða bara e-u frá mér. hæ hæ ég hlakka til  ¶ 2:17 e.h.