Gleðilegt ár!! Betra er seint en aldrei er það ekki?
Já ég er sem sé komin til Reykjavíkur og farin að rembast við að skipuleggja þessa fáu daga sem eftir eru hér heima á klakanum áður en ég fer heim til Frakklands já og búin að vera heima á Klaustri yfir jólin! Ekki er þetta nú einfalt að eiga heima á svona mörgum stöðum ha!
Annars er það helst í fréttum að ég fékk stafræna myndavél í jólagjöf þannig að ef allt fer að óskum ætti ég að hafa að setja inn myndir hér fljótlega. Ég get nú samt ekki gert það alveg strax því auðvitað gengur ekki að tengja myndavélina við tölvuna mína! Já hlutir sem eru mjög einfaldir hjá flestum eru oftast mjög flóknir hjá mér. Ég játa samt ekki að það sé eingöngu vegna tæknifötlunar minnar sem þetta gengur ekki því ég fékk sko hjálp hjá tölvusérfræðingi númer eitt og sá hinn sami var í sömu vandræðum og ég! komst að vísu að fleiru en ég og skildi meira hvað var í gangi en engu að síður gekk þetta ekki. Ég er þess vegna á leiðinni með tölvuna og myndavélina í leiðangur á morgun til að finna stað sem bíður upp á lausn vandamála!
Annað er ekki í fréttum í dag  ¶ 12:46 e.h.