Sæl verið þið

Sunnudagurinn, fyrsti dagur í örgreinisfrelsi, var svona dagur þar sem ég gerði allt annað en ég ætlaði mér að gera. Ágætis dagur engu að síður og ég kom íbúðinni í toppstand, þreif hátt og lágt svo nú get ég speglað mig í hverjum einasta krana í íbúðinni og jafnvel í klósettinu líka! Meðleigjandinn horfði á mig með undurn í augum þegar ég pússaði kranana, ég varð nú bara að útskýra að hún þyrfti engar áhyggjur að hafa, þetta væru gamlir hóteltaktar. Þá róaðist hún aðeins. Annars er það alveg ótrúlegt hvað frönsk hús eru skítug, sama þótt ég hafi aðeins reynt að strjúka skítinn í burtu svona smátt og smátt síðan í október þegar ég flutti inn þá er bara drulllllllllu skítugt um allt. Og..... Frakkarnir virðast ekki sjá þetta!! Kannski má bara telja það hæfileika.

Jæja svona var nú sunnudagurinn, hann endaði í bíó. Fór að sjá mynd sem heitir The Constant Gardener eða e-ð slíkt, fjallar um ólöglegar lyfjaprófanir í Afríku, mæli með þessari mynd.

Jæja farin að snúa mér að "merkari" skrifum en bloggskrifum  ¶ 8:26 f.h.