Þá er sjötti afmælisdagurinn minn í Frakklandi runninn upp! Já þetta er ótrúlegt alveg hreint, hver hefur átt afmæli svona oft í útlöndum? Hér varð ég 20, 21, 25, 27, 28 og í dag 29, já hreint út sagt ótrúlegt.

Svaf fyrstu nóttina í nýju íbúðinni minni í nótt, skrúfaði saman svefnsófann og "skápana" mína (sem eru bara svona slár eins og á útsölumörkuðum), tengdi þvottavélina og fann ágætis stað fyrir rúmið mitt.

Íbúðin er 35 m2 og ég virðist eiga alveg nóg af drasli til að fylla hana. Verst hvað ég er komin með mikið ógeð á að búa í Frakklandi, annars væri þetta algjör draumur :-) Bý í Rauða hverfi Clermont og þetta virðist vera rólegasta gatan sem ég hef búið við, heyrði ekki í einum bíl í alla nótt.

Verst fannst mér að tölvan mín gat tengst við e-ð opið net sem er svífandi í loftinu þarna en þegar ég reyndi að lesa mbl.is þá gekk ekkert, hefur víst e-ð með "default gateway" að gera! Ég ætla samt ekki að fá mér netið heim, ætla frekar að fá mér sjónvarp.

Jæja farin að reyna að taka myndir af þunnsneiðum.  ¶ 8:13 f.h.

  Hæ hæ
Ég er næstum flutt, hef fengið dygga aðstoð og á ekkert eftir nema að bera rúmið upp á efstu hæð. Skrifa nafnið mitt á póstkassann á morgun svo ég get farið að taka við bréfum frá ykkur öllum:

Bergrún Arna Óladóttir
9 rue St André
63000 Clermont Ferrand
France

Já og ég leigi nægilega stóra íbúð til að taka á móti gestum, svo nú er lokatækifæri ykkar sem aldrei hafa dýrðina litið.....  ¶ 2:31 e.h.

  Jæja gott fólk

Nú er ég mætt til Frakklands og ég er búin að ákveða að þetta verður í næst síðasta sinn sem ég kem hingað til að búa hér. Ég kem heim um jólin, fer út aftur eftir jól og kem svo heim til að vera heima. Komin með upp í kok af þessum þeytingi (í bili í það minnsta).

Annars er lífið hér að taka á sig mynd á ný. Ég er búin að finna mér íbúð í um 15 mín göngufjarlægð frá skólanum, ósköp mikið hreysi en ágætlega stór og sæmilega hreinleg á þriðju hæð (það verður fjör að koma dótinu mínu upp stigana úffffff......). Hún er heldur dýr en ég ætla bara að neita mér um internetið heima og vera dugleg að vinna út í eitt þannig að það verður ekkert mál.

Ég fór í gær í nokkurskonar próf, e-ð svona dæmi um það hvernig verkið gengur og slíkt, og mér tókst að "móðga" Frakkana með því að virða ekki þeirra reglur o.s.frv. Þeir voru sem sé ekki ánægðir með að ég ætla að klára í júní 2009!! Ég hefði svo sem alveg getað logið að þeim að ég ætlaði að klára fyrr en ég sé ekki hverju það hefði breytt. Jæja ég reyni að vera eins fljót og ég get, enda er það allra hagur. Glætan að ég nenni að vera í þessu námi um ókomin ár ;-)

Fleira verður það ekki héðan frá Clermont á gráum, köldum haustlaugardegi.  ¶ 7:44 f.h.